Idioma:

Portal de participación - UDC Decide

Volver

15 Vida de Ecosistemas Terrestres

O brote da COVID-19 resalta a necesidade de abordar as ameazas ás que se enfrontan as especies silvestres e os ecosistemas.

En 2016, o Programa das Nacións Unidas para o Medio Ambiente (PNUMA) alertou de que un aumento mundial das epidemias zoonóticas era motivo de preocupación. En concreto, sinalou que o 75 % de todas as enfermidades infecciosas novas en humanos son zoonóticas e que ditas enfermidades están estreitamente relacionadas coa saúde dos ecosistemas.

«Coa COVID-19, o planeta enviou a súa maior alerta ata a data indicando que a humanidade debe cambiar», explicou a Directora Executiva do PNUMA, Inger Andersen.

En Traballar co medio ambiente para protexer ás persoas, o PNUMA detalla como «reconstruír mellor», mediante unha base científica máis sólida, políticas que contribúan a un planeta máis san e máis inversións verdes.

A resposta do PNUMA ocupase de catro áreas:

  1. Axudar ás nacións a xestionar os ciscallos médicos da COVID-19.
  2. Producir un cambio transformativo para a natureza e as persoas.
  3. Traballar para garantir que os paquetes de recuperación económica creen resiliencia para crises futuras.
  4. Modernizar o goberno ambiental a nivel mundial.

Para prever, deter e reverter a degradación dos ecosistemas de todo o mundo, as Nacións Unidas declarararon a Década para a Restauración dos Ecosistemas (2021-2030). Esta resposta coordinada a nivel mundial ante a perda e degradación dos hábitats centrarase en desenvolver a vontade e a capacidade políticas para restaurar a relación dos seres humanos coa natureza. Así mesmo, trátase dunha resposta directa ao aviso da ciencia, tal e como se expresa no Informe especial sobre cambio climático e terra do Grupo Intergobernamental de Expertos sobre o Cambio Climático, ás decisións adoptadas por tódolos Estados Membros das Nacións Unidas nas convencións de Río sobre cambio climático e biodiversidade e a a Convención das Nacións Unidas para a Loita contra a Desertización.

Séguese traballando nun nvo e ambicioso Marco mundial de diversidade biolóxica posterior a 2020.

Mentres o mundo responde á actual pandemia e se recupera dela, precisará dun plan sólido destinado á protección da natureza, de maneira que a natureza poida protexer á humanidade.

Debates máis activos

Agora mesmo non hai debates
15.1
Para 2030, velar pola conservación, o restablecemento e o uso sostible dos ecosistemas terrestres e os ecosistemas interiores de auga doce e os servizos que proporcionan, en particular os bosques, os humedais, as montañas e as zonas áridas, en consonancia coas obrigas contraídas en virtude de acordos internacionais.
15.2
Para 2030, promover a xestión sostible de tódolos tipos de bosques, poñer fin á deforestación, recuperar os bosques degradados e incrementar a forestación e a reforestación a nivel mundial.
15.3
Para 2030, combater a desertización, restaurando terras e chans degradados, incluíndo terras afectadas pola desertización, secas e inundacións, e loitar para alcanzar un mundo neutral na degradación das terras.
15.4
Para 2030, velar pola conservación dos ecosistemas montañosos, incluída a súa diversidade biolóxica, a fin de mellorar a súa capacidade de proporcionar beneficios esenciais para o desenvolvemento sostible.
15.5
Adoptar medidas urxentes e significativas para reducir a degradación dos hábitats naturais, deter a perda da diversidade biolóxica e, para 2020, protexer as especies ameazadas e evitar a súa extinción.
15.6
Promover a participación xusta e equitativa nos beneficios que se deriven da utilización dos recursos xenéticos e promover o acceso axeitado a eses recursos, como se acordou internacionalmente.
15.7
Adoptar medidas urxentes para poñer fin á caza furtiva e o tráfico de especies protexidas de flora e fauna e abordar a demanda e a oferta ilegais de produtos silvestres.
15.8
Para 2030, adoptar medidas para prever a introdución de especies exóticas invasoras e reducir de forma significativa os seus efectos nos ecosistemas terrestres e acuáticos e controlar ou erradicar as especies prioritarias.
15.9
Para 2030, integrar os valores dos ecosistemas e a diversidade biolóxica na planificación nacional e local, os procesos de desenvolvemento, as estratexias de redución da pobreza e a contabilidade.
15.A
Mobilizar e aumentar de maneira significativa os recursos financeiros procedentes de tódalas fontes para conservar e utilizar de forma sostible a diversidade biolóxica e os ecosistemas.
15.B
Mobilizar un volume apreciable de recursos procedentes de tódalas fontes e a tódolos niveis para financiar a xestión forestal sostible e proporcionar incentivos axeitados aos países en desenvolvemento para que promovan dita xestión, en particular con miras á conservación e a reforestación.
15.C
Aumentar o apoio mundial á loita contra a caza furtiva e o tráfico de especies protexidas, en particular aumentando a capacidade das comunidades locais para promover oportunidades de subsistencia sostibles.
15.4.1
Title for locale gl
15.4.2
Title for locale gl
15.4.3
Title for locale gl
15.8.1
Title for locale gl
15.8.2
Title for locale gl
15.8.3
Title for locale gl
15.9.1
Title for locale gl
15.9.2
Title for locale gl
15.9.3
Title for locale gl